لاہور(نیوز ڈیسک ) پاکستان پیپلز پارٹی کے مرکزی رہنما سینیٹر اعتزاز احسن نے کہا ہے کہ جنرل (ر)پرویز مشرف سے متعلق فیصلہ حیران کن ہے ،ایسا لگتا ہے کہ حکومت اور پرویز مشرف کے درمیان اندر کھاتے کوئی ” مک مکا “ ہوا ہے ۔ نجی ٹی وی سے گفتگو کرتے ہوئے اعتزاز احسن نے کہا کہ عدالتوں نے سنگین الزامات پر پرویز مشرف کے ناقابل ضمانت وارنٹ گرفتاری جاری ہوئے ہیں اور انہیںمختلف عدالتوں نے انہیں طلب کر رکھا ہے اور ان حالات میں ان کی بیرون ملک روانگی سمجھ سے بالا تر ہے۔انہوںنے کہا کہ پرویز مشرف پر غداری کا مقدمہ چل رہا ہے اور وہ کئی عدالتوں میں پیش ہی نہیں ہوئے ۔ ب ان کو اگر باہر جانے کی ا جازت ملتی ہے تو ایسا لگتا ہے کہ حکومت اور پرویز مشرف کے درمیان اندر کھاتے کوئی ڈیل ہوئی ہے اور اسے عرف عام میں ”مک مکا “کہتے ہیں اور اس کے ثبوت اور اشارے گزشتہ روز کی کارروائی میںملتے ہیں ۔