لاہور(نیوز ڈیسک) ریحام خان دو روزہ بین الاقوامی کانفرنس میں شرکت کے لیے آج جمعرات کو بھارت جائیں گی،19مارچ کو کولکتہ میں پاکستان اور بھارت کی کرکٹ ٹیموں کے درمیان میچ بھی دیکھیں گی۔بھارت کے معروف انڈیا ٹوڈے گروپ کی جانب سے منعقدہ 15ویں کانفرنس میں ا س بار ریحام خان پاکستان کی نمائندگی کریں گی جو مشہور ایکٹر جارج کلونی کی اہلیہ امل کلونی کے ہمراہ شرکت کریں گی ۔پاکستان کی طرف سے 2007ءمیں محترمہ بینظیر بھٹو اور2009 ءمیں سابق صدر پرویز مشرف بھی اس کانفرنس سے خطاب کر چکے ہیں۔بھارت کے سابق وزرائے اعظم اٹل بہاری واچپائی،منموہن سنگھ، موجودہ بھارتی وزیراعظم نریندرمودی ،افغان صدر عبداللہ، عبداللہ اور بھارت کے سابق صدر ڈاکٹر عبد السلام بھی اس کانفرنس سے خطاب کر چکے ہیں۔ریحام خا ن بھارت میںتین روز قیام کریں گی اور 19 مارچ کو پاک بھارت میچ دیکھنے کولکتہ بھی جائیں گی۔ریحام خان اپنے قیام کے دوران وہ بھارت میں اسٹریٹ چلڈرن شیلٹر کا وزٹ بھی کریں گی۔