اسلام آباد (نیوز ڈیسک)بھارت میں ہونے والے ٹی20میں پاکستان اپنا پہلا میچ بنگلہ دیش کیخلاف کولکتہ اسٹیڈیم میں کھیلے گا ۔
کپتان شاہد آفریدی کی طبیت سنبھل چکی ہے اس لئے وہ بنگال ٹائگرز کیخلاف کپتانی کرتے نظر آئیں گے۔ایک روز قبل معمولی بخار کے سبب میچ میں حصہ نہیں لے سکے تھے۔
ایشیا ٹی 20کپ میں بنگلہ دیش نے پاکستان کو ہرا کر فائنل میں جگہ بنائی تھی جس کا بدلہ چکانے پاکستان کے پاس آج نادر موقع ہوگا۔
فاسٹ باﺅلر محمد سمیع انجری کے باعث بنگلہ دیش کیخلاف میچ میں ٹیم کا حصہ نہیں ہوں گے ۔
پاکستانی ٹیم 3فاسٹ باﺅلرز محمد عامر، وہاب ریاض اور محمد عرفان کیساتھ میدان میں اترے گی۔جبکہ اسپینرز میں کپتان آفریدی اور عماد وسیم ٹیم کا حصہ ہیں ۔شیب ملک ، عمر اکمل، سرفراز احمد اور شاہد آفریدی بنگالی باﺅلرز کیخلاف بیٹنگ کرتے ہوئے کسی بھی وقت میچ کا پانسہ پلٹ سکتے ہیں ۔
پاکستانی کھلاڑی خالد لطیف ، محمد سمیع اور انور علی کو بنگلہ دیش کیخلاف ڈریسنگ روم میں بیٹھ کر میچ دیکھنے کو کہا گیا ہے ۔
بنگلہ دی کیخلاف پاکستان الیون میں شاہد آفریدی (کپتان) وہاب ریاض، محمد عامر ، محمد عرفان، شیب ملک ، عمراکمل ، سرفراز احمد ، عماد وسیم ، شرجیل خان،احمدشہزاد اور محمد حفیظ شامل ہیں ۔
پاکستان اور بنگلہ دیش کے درمیان میچ کولکتا اسٹیڈیم میں 3:30منٹ پر شروع ہوگا