اسلام آباد (نیوز ڈیسک) معروف سیاسی رہنما مصطفی کمال نے کہا ہے کہ ہم نفرت کو ختم کرکے محبت پھیلانے آئے ہیں ہمارا پہلا کام دوسروں کو تحمل سے سننا اور برداشت کرنا ہوگا ۔ ہماری پارٹی قومی سطح کی ہوگی کراچی سے خیبر تک تمام لوگوں سے رابطہ کرینگے 23 مارچ کو پارٹی کا نام سامنے آ جائے گا ۔ نجی ٹی وی کے پروگرام میں گفتگو کرتے ہوئے مصطفی کمال نے کہا کہ ہم ایک قومی پارٹی لانچ کررہے ہیں جس میں کوئی آمریت نہیں ہوگی آنے والے دنوں میں پورا روڈ میپ دینگے 23 مارچ کو پارٹی سامنے آجائے گا انہوں نے کہا کہ ہمارے ماننے والے کی بنیاد دوسروں کو برداشت کرنا ہوگا ہمارا کارکن دوسروں کو تحمل سے سنے گا اور اپنی بات منوائے گا ہم ملک کے ہر کونے میں جائینگے اور تمام سیاسی جماعتوں کے رہنماؤں سے اچھے تعلقات قائم کرینگے انہوں نے کہا کہ سیاسی جماعتوں میں ہمیشہ کارکن قربانی دیتے ہیں اور لیڈر بڑی گاڑیوں میں پھر رہے ہوتے ہیں ہمارے لیڈر سے کارکن تک تمام لوگ محبت کرنے اور محبت پھیلانے والے ہوں گے ہم نفرت کو ختم کرنے آئے ہیں انہوں نے کہا کہ ہم مشاورت کے بعد اعلان کرینگے کہ پارٹی کو کون لیڈ کرے گا جیسا شہر ٹکڑوں میں تقسیم ہوگیا ہم شہر کو اکٹھا کرینگے ہمارا مقصد لوگوں کو آپس میں جوڑنا ہے انہوں نے کہا کہ متحدہ کے قائد بتائیں انہوں نے عوام کیلئے کیا کیا ہے دو نسلیں تباہ کرنے کے بعد اب بھی انہیں سکون نہیں ملا ہم متحدہ میں رہے ہم بھی قصور وار ہیں