ماسکو(نیوز ڈیسک) روس نے شام سے اپنی افواج نکالنا شروع کردی جب کہ فوجی ساز و سامان اور جنگی طیارے ایئربیس پر واپسی کے لئے تیار ہیں۔غیرملکی خبررساں ادارے کے مطابق روسی وزارت دفاع کا کہنا ہے کہ صدرولادی میر پیوٹن کی جانب سے فوجیں واپس بلائے جانے کے اعلان کے بعد شام سے فوجیں نکالنے کا عمل شروع کردیا گیا جب کہ فوجی ساز و سامان اور جنگی طیارے ایئربیس پر جمع کرلئے گئے ہیں۔روس کی جانب سے اب تک یہ اعلان نہیں کیا گیا کہ شام سے کتنے جنگی طیارے اور کتنے فوجیوں کو واپس بلایا جائے گا تاہم روسی صدر پہلے ہی واضح کرچکے ہیں کہ شام میں موجود اپنی ایئربیس برقرار رکھی جائیں گی اورکچھ فوجی وہاں موجود رہیں گی۔دوسری جانب شام میں موجود روسی فوجیوں کی تعداد سے متعلق متضاد اطلاعات ہیں جب کہ امریکا کا کہنا ہے کہ شام میں 3 ہزارسے 6 ہزار روسی فوجی موجود ہیں جو فضائی کارروائی کے ساتھ زمینی کارروائیوں میں بھی حصہ لے رہے ہیں۔واضح رہے کہ شام کی صورتحال پر سوئٹزرلینڈ میں شروع ہونے والے مذاکرات کے بعد روسی صدر ولادی میر پیوٹن نے حیران کن طور پراچانک شام سے اپنی افواج نکالنے کا اعلان کیا تھا جب کہ 30 ستمبر 2015 سے روس نے شام کی خانہ جنگی میں مداخلت کرتے ہوئے اپنی کارروائیوں کا آغاز کیا تھا۔
آج کی سب سے زیادہ پڑھی جانے والی خبریں
-
عوام کے لئے ریلیف ! پیٹرول 55 روپے مہنگا کرنے کے بجائےحکومت کا بڑا فیصلہ
-
ہیکل سلیمانی
-
آبنائے ہرمز کھل گئی
-
حکومت کا موٹر سائیکل اور رکشے والوں کو سستا پیٹرول دینے کا فیصلہ
-
چھٹیوں میں اضافے کی خبریں! وزیرتعلیم پنجاب کا اہم بیان آگیا
-
پاکستان میں سونے کی فی تولہ قیمت میں حیران کن کمی
-
گھریلو صارفین کیلئے گیس فراہمی کے شیڈول کا اعلان
-
گھی اور کوکنگ آئل کی قیمت میں حیران کن اضافہ
-
سونے کی قیمت میں مسلسل دوسرے روز بڑا اضافہ
-
سعودی عرب نے ویزا ہولڈرز کو رعایت دیدی
-
یوٹیوبر ذوالقرنین سکندر اور رجب بٹ کے درمیان جاری تنازع نے نیا رخ اختیار کرلیا
-
پنجاب میں سکو ل کب کھلیں گے؟وزیر تعلیم کا اعلان
-
ایل پی جی کی قیمت میں اضافہ۔۔۔اوگرا کا مؤقف بھی آ گیا
-
’’ایران نے ہمیں ایک تحفہ دیا ہے اور یہ تحفہ آج پہنچ گیا ہے:امریکی صدر ڈونلڈ ٹرمپ کی میڈیا سے گفتگو



















































