کراچی (نیوزڈیسک) ایم کیو ایم کے منحرف رہنما اور سابق سٹی ناظم مصطفی کمال نے کہا ہے کہ وہ اپنی پارٹی کے نام کا اعلان 23مارچ کو کرینگے ۔کراچی میں کمال ہاﺅس میں پریس کانفرنس کرتے ہوئے ایم کیو ایم کے منحرف رہنما اور سابق سٹی ناظم مصطفی کمال نے کہا ہے کہ ہم نے کراچی آکر ایم کیو ایم کے کسی رہنماءسے رابطہ نہیں کیا ، ہم چاہتے تو پہلے دن ہی 15لوگ یہاں بٹھاسکتے تھے لیکن صرف 2 لوگ یہاں آئے اور اب لوگ اپنی مرضی اور خوشی سے ہمارے ساتھ مل رہے ہیں، ہماری ان کاوشوں سے اگر ایک انسان کی بھی جان بچ گئی تو ہم سمجھیں گے ہمارا مقصد پورا ہوگیا ہے۔مصطفی کمال نے 23 مارچ کو اپنی پارٹی کے نام کا اعلان کرتے ہوئے کہا کہ ہمارا ایجنڈا صرف کام کام اور کام ہے جو ہم پہلے ہی بتاچکے ہیں جب کہ ہم سازش اورمنصوبہ بندی کےساتھ نہیں آئے، لوگوں کوکہہ رہا ہوں اگرمسئلہ ہے تو ہمارے پاس بھی مت آ۔واضح رہے رضا ہارون بھی ایم کیو ایم چھوڑ کر مصطفی کمال کے قافلے میں شامل ہوگئے یوں منحرف رہنماں کی تعداد 6 ہوگئی ہے۔