کر ا چی (نیوز ڈیسک) دنیا بھر میں برطانوی شہریوں کے قتل کے حوالے سے پاکستان خطرناکممالک میں سرفہرست ہے، گزشتہ چار بر سو ں میں37 برطانوی شہری پاکستان میں قتل کردیئے گئے۔ برطانوی اخبار ’ڈیلی میل‘نے دعویٰ کیا ہے کہ گزشتہ چار برس میں بیرونی دنیا میں سب سے زیادہ برطانوی شہری پاکستان میں قتل ہوئے۔ گزشتہ چا ر برس میں دنیا بھر میں ڈھائی سو برطانوی شہری قتل کردیئے گئے۔ 2012سے اگست2015کے درمیان 37برطانوی شہری پاکستان میں قتل کردیئے گئے۔جمیکا اور امریکا بھی برطانوی شہریوں کیلئے خطرناک ثابت ہوئے اوراسی مدت میں دونوں ممالک میں چار چار برطانوی سیاح سالانہ کے حساب سے قتل کیے گئے۔دیگر مقامات میں تیونس میں گزشتہ سال جون میں درجنوں برطانوی سیا حو ں کو قتل کردیا گیا۔ پندرہ ممالک جہاں سب سے زیادہ برطانوی شہریوں کا قتل ہوان میں دو یورپی ممالک فرانس اورا سپین ہیں جہاں بیس شہریوں کا قتل کیا گیا۔دفتر خارجہ سے حاصل اعداد و شمار کے مطابق 2012 اور 2014 کے درمیان برطانوی شہریوں کے قتل میں تقریباً 60 فیصد اضافہ ہوا۔ دہشت گردانہ حملوں اورہائی پروفائل قتل کی وجہ نے دنیا بھر میں برطانوی شہریوں پر اثر ڈالا ہے۔جنگ رپورٹر رفیق مانگٹ کے مطابق گزشتہ چار برس میں برطانوی شہریوں کے قتل کے حوالے سے جو اعدادوشمار دیئے گئے، ان کے مطابق پاکستان میں 37،تیونس میں 34،جمیکا میں 18،امریکا میں 15،فرانس میں 14،جنوبی افریقہ میں 11، یوکرائن میں 10،الجیریا اور آسٹریلیا میں 7،بارباڈوس اور افغانستان میں چھ 6،برازیل اور مصر میں پانچ ،بنگلا دیش، بھارت اور یوگنڈا میں4،قبرص، ملائیشیا، میکسیکو، مراکش، ٹرینیڈاڈ اور ٹوباگو، زیمبیا میں تین تین قتل ہوئے۔