لاہور (نیوزڈیسک)ٹیکنیکل ایجوکیشن اینڈ ووکیشنل ٹریننگ اتھارٹ (ٹیوٹا )نے وزیر اعلی پنجاب کی ہدایت پر اپنے تمام ملازمین کو ریگولر کر دیا ہے، صوبہ بھر میں واقع 374ٹیوٹا اداروں میں کام کرنے والے4000ہزار سے زائد ٹیوٹا ملازمین بشمول ٹیچنگ و نان ٹیچنگ اس ریگولرازیشن سے مستفید ہونگے، اس کے نتیجے میں ریٹائرمنٹ کے موقع پر ملازمین کو پنشن اورپراوڈنٹ فنڈ کے ساتھ دیگر مراعات بھی حاصل ہونگی۔ ان خیا لات کا اظہار صوبائی وزیر انڈسٹریز چوہدری محمد شفیق نے گزشتہ رو ز ٹیوٹا سیکرٹریٹ میںپریس کانفرنس سے خطاب کرتے ہوئے کیا۔اس موقع پر چیئرپر سن ٹیوٹا عرفان قیصر شیخ، چیف آپریٹنگ آفیسر جواد احمد قریشی اور ٹیوٹا کی اعلی انتظامیہ موجود تھی۔چوہدر ی محمد شفیق نے کہا کہ حکومت پنجاب کے تمام ملازمین کو زیادہ سے زیادہ فوائد پہنچانا وزیر اعلی پنجاب کی ترجیحات میں شامل ہے۔ٹیوٹا حکومت پنجاب کے اہم اداروں میں سے ایک ہے جو صوبہ پنجاب کے نوجوانوں کو خوشحالی فراہم کر سکتے ہیں۔ چیئر پرسن عرفان قیصر شیخ کی ولولہ انگیز قیادت میں ٹیوٹا صوبہ بھر کے 5لاکھ 41ہزار نوجوانوں کو سکلز ڈوویلپمنٹ پروگرام کے تحت 2018تک ہنر مند بنانے کیلئے قابل تعریف خدمات سر انجام دے رہی ہے۔ٹیوٹا حکومت پنجاب کی جانب سے نوجوانوں کو ہنر مند بنانے کے اہداف پورا کر رہی ہے۔ صوبائی وزیر نے مزیدکہا کہ ٹیوٹا کی جانب سے فنی تعلیم کے فروغ کیلئے کئے گئے شاندار اقدامات کو ملحوظ خاطر رکھتے ہوئے وزیر اعلی پنجاب نے تمام ملازمین کو ریگولر کرنے کی منظوری دی ہے۔یہ ریگولرائزیشن ٹیوٹا میں کام کرنے والے تمام ملازمین کو حکومت کی جانب سے دئے گئے اہداف کو حاصل کرنے کیلئے متحرک اور مزید یکسوئی کے ساتھ کرنے میں معاون ثابت ہو گی۔اس موقع پر خطاب کرتے ہوئے عرفان قیصر شیخ نے کہا کہ تمام ملازمین وزیر اعلی پنجاب کا ریگولرکرنے پر شکریہ ادا کرتے ہیں۔ ان ملازمین کوریگولر ملازم کی حیثیت سے کام کرنے کیلئے تمام ضروری اقدامات کر لئے گئے ہیں۔اب ہمیں کوالٹی ٹریننگ کی مزید بہتری کیلئے بھرپور توجہ دینی ہے اور اسکے حصول کیلئے ٹیوٹا ملازمین دلجمعی سے کام کرینگے۔ آج کا تاریخ اعلان مطلوبہ اہداف کے حصول کیلئے مددگار ثابت ہوگا۔