لاہور(نیوز ڈیسک) پاکستان کرکٹ بورڈ نے ایشیا کپ میں اوپنرز کی خراب کارکردگی کے باعث احمد شہزاد کو ٹی ٹوئنٹی ورلڈکپ کے لیے طلب کرلیا ہے۔ذرائع کے مطابق پاکستان کرکٹ بورڈ نے ایشیا کپ میں اوپنرز کی خراب کارکردگی کے باعث اوپنرز احمد شہزاد کو بھارت میں ہونے والے ٹی ٹوئنٹی ورلڈکپ کیلیے طلب کرلیا ہے جس کے لیے ان سے پاسپورٹ بھی طلب کیا گیا ہے جب کہ احمد شہزاد کو خرم منظور کی جگہ ٹیم میں شامل کیا جائے گا۔دوسری جانب اوپننگ بلے باز احمد شہزاد نے اس بات کی تصدیق کرتے ہوئے کہا کہ پی سی بی نے مجھ سے پاسپورٹ مانگا ہے۔ انہوں نے کہا کہ جو ہوگیا وہ ماضی ہے اب ٹی ٹوئنٹی ورلڈکپ کے لیے ٹیم کوسپورٹ کیا جائے جب کہ ہمیں غلطیوں سے سیکھ کر ہمیں آگے بڑھنا ہے ہمیں ٹیم ، کپتان اور مینجمنٹ کو سپورٹ کرنا چاہیے۔اوپننگ بیٹسمین احمد شہزاد نے کہا کہ پاکستان کرکٹ ٹیم کو جیت کے لیے بھارت سے سیکھنا ہو گا ¾ کھلاڑیوں کے انتخاب کا میرٹ لیگ کی کارکردگی نہیں۔احمد شہزاد نے پاکستان کرکٹ ٹیم کو مشورہ دیا کہ جیت کا گر بھارت سے سیکھیں۔ اوپننگ بیٹسمین نے بتایا کہ ٹی ٹوئنٹی ورلڈ کپ کے لیے پی سی بھی نے پاسپورٹ مانگ لیا ہے۔ محمد عامرکی کارکردگی کو سراہتے ہوئے انکا کہنا تھا کہ محمد عامر نے خود کو ورلڈ کلاس بولر ثابت کر دیا۔