لاہور(نیوزڈیسک) چیئرمین پی سی بی شہریار خان نے کہاہے کہ ایشیا کپ میں ناقص کارکردگی کے بعد ورلڈکپ سے قبل ٹیم میں بڑی تبدیلیاں کی جائیں گی ، جب تک بھارتی حکومت کی جانب سے باقائدہ سیکورٹی کلیئرنس نہیں دی جاتی ٹیم بھجوانا مشکل ہے ۔ورلڈ کپ سے پہلے ٹیم کپتان تبدیل نہیں کیا جائے گا۔ جمعرات کو میڈیا سے گفتگو کے دور ان ایشیا ٹی ٹوئنٹی کپ میں قومی ٹیم کی ناقص کارکردگی پر پاکستان کرکٹ بورڈ کے چیئرمین شہریار خان نے سخت برہمی کا اظہار کرتے ہوئے کہا کہ ٹیم کے ہارنے پر لوگوں کی ناراضگی بجا ہے ۔ ٹیم کی حالیہ کارکردگی کے بعد ورلڈکپ سے قبل ٹیم میں بڑی تبدیلیاں کی جائیں گے۔ انہوں نے کہا کہ نہ صرف ٹیم میں بلکہ کرکٹ بورڈ کے تمام اداروں میں تبدیلیاں لائیں گے اور اس سلسلے میں یونس اور مصباح سے مشاورت لے رہے ہیں۔چیئرمیں پی سی بی شہریار خان نے کہاکہ جب تک بھارتی حکومت کی جانب سے باقائدہ سیکورٹی کلیئرنس نہیں دی جاتی۔ ٹی 20 ولڈ کپ میں ٹیم بھجوانا مشکل ہے انہوں نے کہاکہ ورلڈ کپ سے پہلے ٹیم کپتان تبدیل نہیں کیا جائے گا۔انہوں نے کہاکہ سلیکشن کے حوالے سے کسی پر کوئی دباو 191 نہیں ہے میں اور آفریدی دونوں پٹھان ہیں اور ہم بات سے نہیں مکرتے۔