اسلام آباد( نیوز ڈیسک) پاکستان کرکٹ بورڈ نے قومی ٹیم کے ہیڈ کوچ وقار یونس کے متبادل کیلئے مختلف آپشنز پر غور شروع کرد یا۔پی سی بی کے ایک عہدے دار نے نام نہ ظاہر کرنے کی شرط پر بتایا کہ متحدہ عرب امارات کے موجودہ کوچ اور سابق فاسٹ باو ¿لر عاقب جاوید نے پاکستان سپر لیگ کے دوران دبئی میں بورڈ حکام سے رابطہ کرتے ہوئے ٹیم کا ہیڈ کوچ بننے کی خواہش ظاہر کی تھی۔عہدے دار کے مطابق پی سی بی نے ابھی تک اس حوالے سے کوئی فیصلہ نہیں کیا کیونکہ ہیڈ کوچ وقار کا معاہدہ جولائی میں ختم ہو گا۔انہوں نے بتایا کہ بورڈ ورلڈ ٹی ٹوئنٹی میں ٹیم پرفارمنس کا باریک بینی سے جائزہ لینے کے بعد ہی حتمی فیصلہ کرے گا توقع ہے کہ ورلڈ ٹی ٹوئنٹی ختم ہونے کے بعد نئے ہیڈ کوچ کا فیصلہ کیا جائے گا۔انہوں نے بتایا کہ فی الحال عاقب کا یو اے ای سے معاہدہ جاری ہے لہذا پاکستان کے پاس کافی وقت ہے۔