اسلام آباد(نیوزڈیسک)قومی کرکٹ ٹیم کے ہیڈ کوچ وقاریونس اور کپتان شاہد آفریدی نے عمر اکمل کی ’معصومانہ خواہش‘پوری نہیں کی۔تفصیلات کے مطابق عمر اکمل نے کہاتھا کہ وہ چاہتے ہیں کہ وہ اوپر والے نمبروں پر بیٹنگ کریں لیکن ان کی یہ خواہش پوری نہیں کی گئی۔یاد رہے کہ عمر اکمل متحدہ عرب امارات کیخلاف میچ میں چوتھے نمبر پر کھیلنے کیلئے میدان میں اترے اور ٹیم کی جیت کیلئے کلیدی کردارادا کیا ، انہوں نے شاہد آفریدی کی تعریف کرتے ہوئے کہا کہ انہیں ٹیم میں اوپر والے نمبروں پر کھلایاجائے لیکن آج بنگلہ دیش کیخلاف میچ میں بھی کپتان اور کوچ کی جانب سے عمر اکمل کی معصومانہ خواہش پوری نہیں کی گئی ،وہ میدان میں پانچویں نمبر پر کھیلنے کیلئے آئے اور محض 4رنز ہی بنانے میں کامیاب ہوئے۔