سڈنی (نیوز ڈیسک) بھارت میں میچ سے قبل پچ کو خراب کردینا تو سنا تھا لیکن ایسا کچھ آسٹریلیا میں بھی دیکھنے کو ملا جہاں ٹیسٹ میچ کے دوران جب تیسرے روز پچ پرجانور کا فضلہ اور تیل پھینکنے کے باعث اسے منسوخ کردیا گیا۔آسٹریلیا کی مقامی لیگ کے دوران کنگز ویلے بیپٹسٹ کرکٹ کلب کو سن شائن ہائیٹس کے خلاف میچ جیتنے کے لئے صرف 140 رنز درکار تھے کہ اگلے روز جب دونوں ٹیمیں میدان پہنچیں تو پچ پر کسی نے فضلہ اور تیل پھینک دیا تھا جس کے باعث میچ کو ڈرا کردیا گیا۔
میچ ڈرا ہونے کا نقصان جیت کے قریب پہنچنے والی ٹیم کنگز ویلے کو یہ ہوا کہ وہ فائنل کی دوڑ سے باہر ہوگئی اور اس سے قبل سن شائن ہائیٹس نے کنگز ویلے کو جیت کے لئے 186 رنز کا ہدف دیا تھا جس کے تعاقب میں کنگز ویلے نے ایک وکٹ کے نقصان پر46 رنز بنا لئے تھے۔دوسری جانب وکٹورین ٹرف کرکٹ ایسوسی ایشن نے اعلان کیا ہے کہ پچ پر گندگی پھینکنے اور اسے خراب کرنے والے کی اطلاع دینے والے شخص کو 5 ہزار ڈالر بطور انعام دیا جائے گا جب کہ کرکٹ وکٹوریہ کے چیف ایگزیکٹو ٹونی ڈوڈ میڈ کا کہنا ہے کہ پچ خراب کرنے کے حوالے سے کسی بھی ثبوت کے بغیر حتمی نتائج تک نہیں پہنچا جاسکتا۔