کراچی(نیوز ڈیسک) سینئر اداکار ندیم بیگ نے کہا ہے کہ پاکستان فلم انڈسٹری کی ترقی دیکھ کرخوشی ہو رہی ہے ، باصلاحیت نوجوانوں نے اچھی اور معیاری فلمیں بنا کر ثابت کر دیا ہے کہ وہ ہر قسم کے چیلنج کا مقابلہ کر سکتے ہیں ۔ایک انٹرویو میں انھوں نے کہا کہ ماضی میں فلم انڈسٹری کے بحران نے ان تمام لوگوں کو تشویش میں مبتلا کردیا تھا جنہوں نے اپنی زندگی فلم انڈسٹری کی ترقی اور بہتری کے لیے وقف کردی تھی لیکن نا امید نہیں تھے۔ندیم بیگ نے کہا فلم انڈسٹری کا مشکل دور بھی گزر گیا، نئی سوچ اور نئے جذبے فلم انڈسٹری کو دوبارہ سے اپنے پاؤں پر کھڑا کرنے میں کامیاب ہوجائیں گے۔ نئے فلم میکرز کی بننے والی فلمیں پاکستان کے علاوہ بیرون ممالک میں بھی کامیابیاں حاصل کر رہی ہیں۔