ممبئی(نیوز ڈیسک) بالی ووڈ اداکارہ پریانکا چوپڑہ کے لیے نیا سال بظاہر نئی بلندیاں لے کر آیا ہے۔پہلے انھیں امریکی سیریل ”کوانٹیکو“ میں اداکاری کے لیے پیپلزچوائس ایوارڈ اورپھر بالی ووڈ فلم ”باجی راﺅ مستانی“ کے لیے ایوارڈدیا گیا اور اب ان کا نام انٹرٹینٹمنٹ کی سب سے بڑی تقریب آسکر کے میزبانوں کی فہرست میں شامل کیا گیا ہے۔واضح رہے کہ پریانکا بھارت سے اکیڈمی ایوارڈ میں باضابطہ طور پر شامل ہونے والی واحد شخصیت ہیں کیونکہ اس بار بھارت سے نامزد فلم ”کورٹ“ دوسرے ممالک کی بہترین پانچ فلموں میں جگہ نہیں بنا سکی۔اپنے نام کے اعلان کے بعد پریانکا چوپڑہ نے سماجی رابطے کی ویب سائٹ ٹویٹر پر کہا ہے کہ میں ”دی اکیڈمی“ (آسکر) کی میزبانی کے لیے بے قرار ہوں اور یہ دیوانہ بنا دینے والی رات ہوگی۔جس پر بالی ووڈ اداکارہ دیا مرزانے ٹویٹ کیا بڑے خواب دیکھنے والی وہ ننھی لڑکی کہاں کہاں جا رہی ہے۔پریانکا چوپڑا تمارے لیے یہ سال کس شاندار طور پر شروع ہوا ہے۔ جواب میں پرینکا نے لکھاکہ ایسا یقیناً ہوا ہے۔ دیا مرزا میں خود کو بہت خوش بخت محسوس کرتی ہوں۔ شاید نیند کی کمی اور ایک برے اعظم سے دوسرے برے اعظم آنے جانے کا یہ نتیجہ ہے۔واضح رہے کہ آسکر یعنی اکیڈمی ایوارڈزکی تقریب 28 فروری کوکیلیفورنیا کے شہر ہالی ووڈ کے ڈولبی تھیٹر میں منعقد ہوگی۔