لاہور (نیوز ڈیسک ) یاسر شاہ کے ڈوپنگ کیس کی سماعت فروری کے دوسرے ہفتے میں ہوگی۔ سپنریاسر شاہ کے معاملے پر پی سی بی بیک ڈور ڈپلومیسی کے تحت سزا کم کرانے کی کوششیں جاری رکھے ہوئے ہے۔ اس کیس میں مقررہ 2 سے 4 سال کی معطلی کو 3 سے 6 ماہ میں تبدیل کیا جائے۔آئی سی سی کو تیکنیکی بنیادوں پر قائل کرنے کے جتن کئے جارہے ہیں۔ یاسر شاہ پر الزام ہے کہ انھوں نے پچھلے برس انگلینڈ کے ساتھ سیریز میں ممنوعہ ادویات استعمال کی تھیں۔ یاسر شاہ کا کہنا تھا کہ وہ ادویات ان کی اہلیہ کی تھیں اور انھوں نے غلطی سے وہ ادویات لی تھیں ، لیگ سپنر کو دسمبر میں پاکستان کرکٹ بورڈ نے معطل کردیا تھا ۔