ولنگٹن(نیوزڈیسک) پہلا ون ڈے،پاکستانی باﺅلرجیتی بازی ہارگئے،وہ ہوگیا جس کی کسی کو توقع ہی نہیں تھی،تفصیلات کے مطابق پہلے ون ڈے میں پاکستانی باﺅلرز نے چالیس اوورز تک شاندار باﺅلنگ کا سلسلہ جاری رکھا اور نیوزی لینڈ کی ٹیم شدید دباﺅ کا شکار ہوگئی نیوزی لینڈ نے 40 اورز کے اختتام پر 7 وکٹوں کے نقصان پر 185 رنز بنائے۔ نیوزی لینڈ کا کوئی بھی بلے باز پاکستانی باو¿لر کے سامنے زیادہ دیر نہ رک سکا۔ نیوزی لینڈ کی جانب سے اوپنر مارٹن گپٹل 11، لیتھم 11، کپتان ولیم سن 10، ایلیٹ 0، کورے اینڈرسن 10، لیوک رونچی 5 اور مچل سیٹنر 48 رنز بنا ئے،اس سے پہلے پاکستان نے نیوزی لینڈ کے خلاف ٹاس جیت کر فیلڈنگ کا فیصلہ کیا تھا۔ نیوزی لینڈ کے کھلاڑیوں میٹ ہنری اور مک کلینگن نے نویں وکٹ کی ریکارڈ پارٹنر شپ بناتے ہوئے پاکستانی باﺅلرز کی خوب خبر لی اور آخری اوورز میں دھواں دار بیٹنگ کرتے ہوئے نیوزی لینڈ کا سکور280 رنز پرپہنچادیا۔ پاکستانی باﺅلرز میں محمد عامر نے آٹھ اعشاریہ ایک اوور میں اٹھائیس رنز دے کر تین وکٹیں، وہاب ریا ض دس اوورز میں 67 رنز دیئے اور کوئی وکٹ نہ حاصل کرپائے، انور علی نے نو اعشاریہ پانچ اوور میں چھیاسٹھ رنز دے کر تین وکٹیں، عماد وسیم نے آٹھ اوور میں سینتالیس رنز دیئے اور کوئی وکٹ حاصل نہ کرسکے ، محمد عرفان نے دس اوورز میں 43 رنز دے کردو وکٹیں حاصل کیں جبکہ اظہر علی نے چار اوورز کرائے اور کوئی وکٹ حاصل نہ کرپائے۔