کوچی (نیوز ڈیسک) بلائنڈ ٹی ٹوینٹی ایشیا کپ کے فائنل میں بھارت نے پاکستان کو 45 رنز سے شکست دے دی ،209 رنز کے ہدف کے تعاقب میں قومی ٹیم 163 رنز بنا کر پویلین لوٹ گئی۔کوچی کے جواہر لال نہرو سٹیڈیم میں روایتی حریف پاکستان اور بھارت بلائنڈ ایشیا کپ کے فائنل میں مدمقابل ہوئے ،میزبان ٹیم نے ٹاس جیت کر پہلے بیٹنگ کرتے ہوئے مقررہ بیس اوورز میں پانچ وکٹ پر 208 رنز بنائے۔دیپک ملک 40 رنز کے ساتھ نمایاں رہے ، مشکل ہدف کے تعاقب میں پاکستان کی وکٹیں وقفے وقفے سے گرتی رہیں اور پوری ٹیم اٹھارہ اعشاریہ دو اوورز میں 163 رنز بنا کر آوٹ ہو گئی ، بھارت نے 45 رنز سے کامیابی سمیٹ کر ایشیا کپ کا ٹائٹل اپنے نام کیا۔