اسلام آباد(نیوز ڈیسک)کپتان شاہد آفریدی کہتے ہیں کہ تیسرے ٹی ٹوینٹی میں بہتر کمبی نیشن کے ساتھ میدان میں اتریں گے ، ہملٹن میں بولرز نے بلے بازوں کی محنت پر پانی پھیر دیا۔کپتان شاہد آفریدی نے عمر گل اور محمد عامر کی بولنگ کو دوسرے ٹی ٹوینٹی میں شکست کی وجہ قرار دے دیا۔ بوم بوم کہتے ہیں کہ کم بیک کرنے والے بولرز اچھی بولنگ کرتے تو ہمیلٹن میں ہی سیریز جیت جاتے۔شاہد آفریدی کا مزید کہنا تھا کہ بولرز نے جس طرح کی بولنگ کی، دوسو رنز بھی ہوتے تو بن جاتے۔شاہد آفریدی نے ویلنگٹن کے فیصلے کن معرکے کے لیے ٹیم میں تبدیلیوں کا عندیہ دیتے ہوئے کہا کہ وہ نیوزی لینڈ میں اپنے آخری ٹی ٹوینٹی کو یادگار بنانا چاہتے ہیں۔