سڈنی (نیوز ڈیسک)مایہ ناز آسٹریلوی بلے باز گلین میکسویل نے بھارتی کرکٹرز کو ‘اپنی ذات کے لیے کھیلنے والے کھلاڑی’ قرار دے دیا۔انڈیا کے خلاف تیسرے ون ڈے میچ کے بہترین کھلاڑی قرار پانے والے میکسویل نے کہا ‘ہندوستانی بلے باز شاید اس بات کو یقینی بنارہے تھے کہ وہ کوئی سنگ میل عبور کرلیں۔ کچھ لوگ سنگ میل کو زیادہ اہمیت دیتے ہیں اور کچھ نہیں۔’جارح مزاج آسٹریلوی بلے باز نے کہا کہ ‘اگر آپ کے لیے سنگ میل اتنی زیادہ اہمیت رکھتے ہیں تو پھر انہیں ہی پورا کریں۔ میرے لیے ان کی کبھی اہمیت نہیں رہی۔’تاہم انہوں نے تسلیم کیا کہ ہندوستانی ٹیم تیسرے ایک روزہ میچ میں اچھا کھیلی۔’انڈیا کی بیٹنگ اور باؤلنگ گزشتہ میچوں کے مقابلے میں کافی بہتر تھی‘۔