میلبورن(نیوز ڈیسک) امریکی ٹینس اسٹار سرینا ولیمز سوشل میڈیا پر اپنے’سپر گرل‘ کردار پر ملنے والے ردعمل پر حیران رہ گئیں۔انھوں نے فیس بک پر انکشاف کیا تھا کہ گذشتہ برس نومبر میں چینی ریسٹورنٹ میں ایک شخص ان کا موبائل فون چرا کر بھاگا، جس کا نہ صرف انھوں نے پیچھا کیا بلکہ پکڑ کر اپنا موبائل بھی واپس حاصل کیا۔انھوں نے اپنی پوسٹ کے ساتھ اپنی تصویر بھی شیئر کی جس میں وہ ’سپر گرل‘ کاسٹیوم میں تھیں۔ آسٹریلین اوپن کے موقع پر سرینا نے کہا کہ میں نے تو صرف دلچسپی کی خاطر یہ بات شیئر کی تھی، مگر یہ نہ صرف سوشل میڈیا پر وائرل ہوئی جبکہ ٹی وی چینلز، ریڈیو، اخبارات سب میں اس کا تذکرہ کیا گیا جس پر مجھے کافی حیرت ہوئی۔