ریاض (نیوزڈیسک)پاک فوج کے سربراہ جنرل راحیل شریف نے کہاہے کہ مشرق وسطیٰ کے حالات کے باعث امت مسلمہ مجموعی طورپر کمزور ہورہی ہے ۔پاک فوج کے شعبہ تعلقات عامہ (آئی ایس پی آر)کے مطابق جنرل راحیل شریف نے ریاض میں سعودی وزیر دفاع سے اہم ملاقات کے دوران یہ بات کہی ۔سعودی عرب میں ہونیوالی اس ملاقات میں آرمی چیف نے پاکستان کا مؤقف بیان کرتے ہوئے کہاکہ ایران اور سعودی عرب کو آپس میں رابطے بڑھانے چاہئیں۔آئی ایس پی آر کے مطابق جنرل راحیل شریف نے سعودی عرب پر اپنا مؤقف واضح کرتے ہوئے کہاکہ دونوں ممالک کے درمیان کشیدگی کو آپس میں بیٹھ کر حل کرنا چاہیے ۔واضح رہے کہ وزیراعظم میاں محمد نوازشریف اور آرمی چیف جنرل راحیل شریف سعودی عرب کے دورے پر ہیں جس کے بعد ایران روانہ ہوں گے ۔دونوں ملکوں کے مختصر دورے کا مقصد سعودی عرب اور ایران میں پائی جانے والی کشیدگی کو ختم کراناہے ۔