نئی دہلی(نیوز ڈیسک) بھارتی کرکٹ بورڈ نے آسٹریلیا میں موجود اپنے کرکٹرز کو کسینوز (جوئے خانے) سے دور رہنے کی ہدایات جاری کردیں۔ٹیم مینجمنٹ نے انھیں بی سی سی آئی کے حکم سے اس وقت آ?گاہ کیا جب ٹیم تیسرا ون ڈے کھیلنے کیلیے برسبین سے میلبورن جارہی تھی۔ دلچسپ بات یہ ہے کہ میلبورن کے جس پانچ ستارہ ہوٹل میں بھارتی ٹیم کا قیام ہے، خود اس میں آسٹریلیا کا ایک بہترین کسینو موجود ہے۔ ذرائع کا کہنا ہے کہ بورڈ صدر ششانک منوہر اور سیکریٹری انوراگ ٹھاکر نے یہ فیصلہ کھلاڑیوں کو غلط لوگوں سے دور رکھنے کیلیے کیا ہے۔