پشاور(نیوز ڈیسک) آرمی پبلک سکول میں ورلڈ ٹی 20 کی ٹرافی کی رونمائی کی تقریب۔ تقریب میں ون ڈے ٹیم کے کپتان اظہر علی اور آئی سی سی کے نمائندے رچرڈ بھی شریک ہیں۔ ورلڈ ٹی20 ٹرافی کی کل لاہور میں نمائش کی جائے گی۔ تقریب میں آرمی پبلک سکول کے بچوں کی بڑی تعداد شریک ہے۔ اس موقع پر ون ڈے ٹیم کے کپتان اظہر علی نے کہا آرمی پبلک اسکول کے شہداکو سلام پیش کرتا ہوں ، ٹرافی جیت کرآرمی پبلک سکول کے شہدا کے نام کریں گے۔ انہوں نے کہا جیت کے لیے پرامید ہیں، پہلے بھی شاہدآفریدی کی کپتانی میں فتح حاصل کی تھی جب کہ آئی سی سی نمائندے ریمنڈکی جانب سے ٹرافی کی نمائش پرنیک خواہشات کااظہار کیا گیا۔