اسلام آباد(نیوز ڈیسک)نیوزی لینڈ کرکٹ ٹیم کو بڑا جھٹکا، فاسٹ باﺅلر ٹم ساﺅتھی زخمی ہونے کے باعث پاکستان کے خلاف ٹی ٹونٹی سیریز سے باہر۔ نیوزی لینڈ کرکٹ بورڈ کے مطابق ٹم ساﺅتھی کو سری لنکا کے خلاف تیسرے ون ڈے میں بائیں پاﺅں میں تکلیف محسوس ہوئی تھی جس کے بعد ان کا سکین کروایا گیا جس کی رپورٹ کی روشنی میں وہ پاکستان کے خلاف 15جنوری سے شروع ہونے والی ٹی ٹونٹی سیریز سے باہر ہوگئے ہیں۔نیوزی لینڈ کے بیٹنگ کوچ کریگ میکملن کے مطابق ان کے خیال میں ساﺅتھی دو سے تین ہفتے تک کرکٹ نہیں پائیں گے تاہم ابھی انہیں صرف پاکستان کے خلاف ٹی ٹونٹی سیریز کے لیے ہی باہر کیا گیا ہے۔ون ڈے سیریز میں شرکت کرنے یا نہ کرنے کا فیصلہ بعد میں کیا جائیگا۔