نیو دہلی(نیوز ڈیسک) سپر سٹار سلمان خان کے مقبول ترین رئیلٹی ٹی وی شو ”بگ باس 9“میں شرکت کرنے والی اداکارہ مندنا کریمی کے متعلق کہا جا رہا ہے کہ انھو ں نے بولی ووڈمیں قدم رکھتے ہی شاہ رخ خان پر آنکھ رکھ لی تھی۔رپورٹ کے مطابق گزشتہ ماہ جب کنگ خان نے سلمان خان کے شو میں اپنی فلم ”دلوالے“کی تشھیر کے سلسلے میں شرکت کی تو پروگرام کے فارمیٹ کے مطابق انھیں ڈانس کرنے والے دیگر اشخاص کے پیچھے چھپنا تھا اور بگ باس کے گھر والوں کو انھیں تلاش کرنا تھا جس پراداکارہ مندنا پہلی ہی کوشش میں کامیاب رہیں۔ واضح رہے اس قبل2012ءمیں جب مندنا نے بولی ووڈ انڈسٹری میں قدم رکھا تو شاہ رخ خان اور سیف علی خان کے کنگز ٹیگ کے اشتھار میں اداکارہ نے سپر سٹار کے ساتھ ٹی وی پر نظر آنے کیلئے بڑی منت سماجت کی تھی اور انھیں مذکورہ اشتھار میں چھوٹا سا کردار دے دیا گیا تھا۔ تاہم مندنا کے نزدیک کیریئر کی شروعات میں شاہ رخ خان کے ساتھ نظر آنا بہت بڑی کامیابی تھی۔واضح رہے مندنا اپنی نئی آنے والی سیمی پورن فلم ”کیا کول ہیں ہم3“ میں جلوے بکھیرتی نظر آئیں گی۔