ممبئی(نیوزڈیسک)بھارتی اداکار عامر خان نے ممبئی پولیس کے سیکیورٹی کم کرنے کے فیصلے کا خیرمقدم کیا ہے، کہتے ہیں پولیس جب بہتر سمجھے گی میری سیکیورٹی بڑھا دے گی۔بالی ووڈ اداکار عامر خان کا کہنا ہے کہ پولیس کے سیکیورٹی کم کرنے کے فیصلے کا احترام کرتا ہوں، پولیس پر مکمل بھروسہ کرتا ہوں، پولیس جب بہتر سمجھے گی میری سیکیورٹی بڑھا دے گی، پولیس کو کسی اور بہتر مقصد کے لیے استعمال کرسکتے ہیں۔ممبئی پولیس نے آج شاہ رخ خان اور عامر خان سمیت 40اداکاروں کی سیکیورٹی کم کرنے کا فیصلہ کیا ہے۔ بھارت میں بڑھتی عدم برداشت پر بیان دینے کے بعد سپر اسٹارز کی سیکیورٹی بڑھا دی گئی تھی۔