کراچی(نیوزڈیسک)پاکستان کرکٹ ٹیم کے سابق کپتان فاسٹ باﺅلر وسیم اکرم نے کہا ہے کہ آج کرکٹ بدل گئی ہے ، کھلاڑیوں کو کھیلنے کے ساتھ بولنا بھی آنا چاہیے، شاہد آفریدی ہمارے ہیرو ہیں ، انہیں مشکل سوالات کے لیے تیار رہنا چاہیے۔وہ اپنی اہلیہ شنیرا اکرم کے ہمراہ ایک نجی ٹی وی کے مارننگ شو میں بات چیت کر رہے تھے۔اس موقع پر جہاں شنیر اکرم نے اپنے پسندیدہ پاکستانی کھانوں کے بارے میں بتایا ،وہیں وسیم اکرم نے کرکٹ اور گھریلو زندگی سے متعلق گفتگو کی۔ شاہد آفریدی کے حالیہ بیان پر تبصرہ کرتے ہوئے وسیم اکرم نے کہاکہ آج کرکٹ بدل گئی ہے ، کھلاڑیوں کو کھیلنے کے ساتھ بولنا بھی آنا چاہیے، شاہد آفریدی ہمارے ہیرو ہیں ، انہیں مشکل سوالات کے لیے تیار رہنا چاہیے۔کمنٹری سے متعلق سوال پر وسیم اکرم نے کہا کہ انہیں لگتا ہے کہ کھیلنا آسان ہے ، کمنٹری شروع میں بہت مشکل لگتی تھی لیکن اب وہ اس کے عادی ہوگئے ہیں۔