اسلام آباد(مانیٹرنگ ڈیسک) قومی ٹی 20 ٹیم کے کپتان شاہد آفریدی نے کہا ہے کہ انسان سے غلطی ہوتی ہے،عامر نے سچ بتادیااورسزابھی بھگت لی،محمدعامر کے لیے ہمیشہ میرے دل میں جگہ رہی ہے،وہ بہترین صلاحیتوں کا حامل ہے۔صحافیوں سے گفتگو کرتے ہوئے آفریدی کا کہنا تھا کہ آصف اور سلمان 2سال تک جھوٹ بولتے رہے، ٹیم کے خلاف باتیں کرتے رہے ہیں، اس لیے ان سے کوئی ہمدردی نہیں ۔انہیں اپنے گریبان میں جھانکنا چاہیے۔ کپتانی میں بیشتر میچ ہارنے سے متعلق سوال پر آفریدی صحافی پر برس پڑے اور کہاکہ مجھے یقین تھا آپ ایسے ہی گھٹیا سوال کریں گے۔