لاہور(نیوز ڈیسک)دورہ نیوزی لینڈ کےلئے جاری قومی کرکٹ ٹیم کا تربیتی کیمپ جمعرات کو اختتام پذیر ہو جائے گا ،قومی ٹیم کے کھلاڑی اورآفیشلز 9اور10جنوری کی درمیانی شب لاہور سے نیوزی کے لئے روانہ ہوں گے ۔قومی کرکٹ ٹیم اپنے دورہ کے دوران میزبان ٹیم کے خلاف تین ٹی ٹونٹی اور تین ون ڈے میچز پرمشتمل سیریز کھیلے گی ۔ٹی ٹونٹی سیریز کا پہلا میچ 15جنوری ،دوسرا17جبکہ تیسرا اور آخری 22جنوری کو کھیلا جائے گا ۔ ون ڈے سیریز کا پہلا میچ 25جنوری ،دوسرا 28جبکہ تیسرا ور آخری 31جنوری کو کھیلا جائے گا ۔ ایک روز کے وقفے کے بعد شروع ہونے والے میچ میں کھلاڑیوں نے ہلکی پھلکی پریکٹس کے ساتھ میچز کی پریکٹس کی ۔