اسلام آباد(نیوزڈیسک) پاکستان کبڈی فیڈریشن کے زیراہتمام قومی خواتین کبڈی ٹیم کے چناو کے سلسلہ میں کھلاڑیوں کے ٹرائلز آج منگل کو پاکستان سپورٹس کمپلیکس، اسلام آباد میں ہونگے۔ ٹرائلز میں منتخب ہونے والی ٹیم سیف گیمز میں پاکستان کی نمائندگی کرے گی۔سیف گیمز آئندہ ماہ 6 سے 16 فروری تک بھارت میں کھیلے جائینگے۔ پاکستان کبڈی فیڈریشن کے سیکرٹری رانا محمد سرور نے بتایا کہ ٹرائلز کے تمام انتظامات مکمل کر لئے گئے ہیں اور سیف گیمز کی تیاری کے سلسلہ میں کھلاڑیوں تربیتی کیمپ جاری ہے جس میں ملک بھر سے 25 کھلاڑی شرکت کر رہی ہیں۔