لاہور (نیوز ڈیسک) اداکار و ہدایتکار ببرک شاہ کی فلم ” مولا وے “ 2016ءمیں ریلیز کی جائے گی ۔ بتایا گیا ہے کہ ببرک شاہ نے اپنی فلم ” مولا وے “ نومبر میں ریلیز کرنے کا فیصلہ کیا تھا اور اس سلسلے میں انہوںنے اپنی فلم کا ٹریلر بھی جاری کر دیا تھا مگر اب دوستوںکے مشورے پر انہوں نے اپنی فلم اگلے سال ریلیز کرنے کا فیصلہ کیا ہے ۔ ذرائع کے مطابق ببرک شاہ نے سرد موسم کے پیش نظر اپنی فلم کی نمائش کو ملتوی کیاہے تاہم وہ 2016ءکے پہلے یا دوسرے ماہ میں اپنی فلم کو پاکستان بھر میں نمائش کےلئے پیش کریں گے ۔