کولکتہ (نیوز ڈیسک)بولی وڈ اداکار رنویر سنگھ کا کہنا ہے کہ شاہ رخ خان نے فلمی صنعت میں 25 سال جبکہ انہوں نے صرف 5 سال گزارے ہیں، ان کا شاہ رخ خان سے کوئی مقابلہ نہیں۔انڈین ایکسپریس کے مطابق رنویر سنگھ کا ایک انٹرویو میں کہنا تھا کہ وہ ’باجی راو¿ مستانی‘ کی کامیابی پر کافی خوش ہیں۔یاد رہے کہ رنویر سنگھ کی فلم ’باجی راو¿ مستانی‘ کنگ خان شاہ رخ خان کی فلم ’دل والے‘ مقابلے پر ریلیز کی گئی اور اب ’باجی راو¿ مستانی‘ نے ’دل والے‘ کو پیچھے بھی چھوڑ دیا ہے۔فلم ’باجی راو¿ مستانی‘ کو شائقین کے ساتھ ساتھ ناقدین کا بھی کافی اچھا رد عمل موصول ہوا ہے۔فلمی اسٹارز نے ’باجی راو¿ مستانی‘ کو ایک خوبصورت اور جذبات سے بھرپور فلم کہا ہے۔جب رنویر سنگھ سے ان کا اور شاہ رخ خان کا موازنہ کیا گیا تو ان کا کہنا تھا کہ شاہ رخ خان بولی وڈ میں 25 سال سے کام کر رہے ہیں جبکہ انہیں بولی وڈ میں آئے ہوئے 5 سال بھی نہیں ہوئے تو ان سے موازنہ نہیں کیا جاسکتا۔انہوں نے مزید کہا کہ شاہ رخ خان جیسا کوئی نہیں ہے، وہ اداکاری میں ان سے بہت پیچھے ہیں۔