ممبئی(نیوز ڈیسک)معروف اداکارہ قطرینہ کیف نے کرسمس کا تہوار اپنے حالیہ بوائے فرینڈ رنبیر کپور اور انکی فیملی کے ساتھ منایا۔ گزشتہ میڈیا رپورٹس کے مطابق دونوں اداکاروں میں جھگڑا اس نہج پر پہنچ چکا تھا کہ وہ الگ ہونے کے متعلق سنجیدگی سے غور کر رہے تھے۔ تاہم 25دسمبر کے روز دونوں نے خوشگوار موڈ میں ششی کپور کی طرف سے دیے گئے ظہرانے میں شرکت کی۔میڈیا رپورٹس کے مطابق دونوں جب تک کپورز کے ساتھ رہے انتہائی خوش تھے۔واضح رہے دونوں کے درمیان جھگڑے کی اصل وجہ رنبیر کپور کی اپنی سابق محبوبہ دیپکا پڈکون کے ساتھ فلم ”تماشا“میں آن سکرین کیمسٹری تھی جو اداکار کی حالیہ گر ل فرینڈ قطرینہ کیف کو ناگوار گزری تھی۔رنبیر کپور اور قطرینہ کیف اپنی نئی آنے والی فلم ”جگا جاسوس“ میں ایک ساتھ نظر آئیں گے۔