لاہور،مری (نیوزڈیسک) بھارتی وزیراعظم نریندرامودی کی لاہورآمد سے کچھ دیربعد مری میں گھوڑا گلی کے قریب گاڑی کھائی میں جاگری،حادثے میں 4 خواتین جاں بحق اور2افراد زخمی ہوگئے ہیں۔پولیس کے مطابق راولپنڈی جانے والی گاڑی گھوڑا گلی کے قریب بڈ نالہ کے مقام پر کھائی میں جاگری،حادثے میں چار خواتین موقع پر ہی جاں بحق ہوگئی جبکہ ایک خاتون سمیت دو افراد زخمی ہوگئے۔واقعہ کی اطلاع ملتے ہی پولیس ریسکیو عملہ جائے حادثہ پہنچ گئے اور زخمیوں کو فوری طور پر راولپنڈی کے اسپتال منتقل کردیا، پولیس نے ضروری کاروائی کے بعد لاشوں کو ورثا کے حوالے کردیا ہے۔