پشاور(ویب ڈیسک)پشاور میں کرسمس کے موقع پر سکیورٹی ہائی الرٹ ہے۔ تمام گرجا گھروں پر پولیس کی بھاری نفری تعینات کردی گئی ہے۔ پولیس حکام کے مطابق پشاورمیں کرسمس اوریوم قائد کے موقع پر سکیورٹی کے خصوصی انتظامات کئےگئے ہیں۔ پشاورکےکینٹ اور سٹی ایریا میں چھوٹے بڑے تمام گرجا گھروں پرپولیس نفری تعینات ہے۔ صبح سویرےکھوجی کتوں کی مدد سے تمام گرجا گھروں کو چیک کیاگیا ہے۔ جبکہ گرجا گھروں کی پرائیوٹ سکیورٹی بھی موجود رہے گی۔پولیس کی ریپڈ رسپانس فورس بھی گرجا گھروں کے قریبی مقامات پرگشت کرےگی۔ کینٹ سرکل میں سیکیورٹی فورسز بھی الرٹ ہیں۔