لودھراں(ویب ڈیسک)تحریک انصاف کے سربراہ عمران خان نے کہا ہے کہ لودھراں کے ضمنی الیکشن میں فوج کے پولنگ سٹیشن کے اندر اور باہر ہونے سے فرق پڑا ہے۔ لودھراں میں جہانگیر ترین کے فارم ہاوس پہنچنے پر میڈیا سے گفتگو کرتے ہوئے انہوں نے کہا جو بھی کہوں گا لودھراں کے عوام کے سامنے کہوں گا، پولنگ سٹیشنز پر فوج کی موجودگی سے نتائج پر بہت فرق پڑتا ہے۔ انہوں نے کہا آج ریلی میں عوام کے سامنے بڑا اعلان کروں گا۔ جہانگیر ترین حق اور سچ کے ساتھ کھڑے رہے، جہانگیر ترین کی کامیابی حق و سچ کی فتح ہے۔ انہوں نے کہا لودھراں کے لوگوں کا شکریہ ادا کرنے آیا ہوں۔ انہوں نے کہ موجودہ حکومت 40 ہزار ووٹوں سے ہاری ہے، حقائق سب کے سامنے ہیں۔