لاہور(نیوز ڈیسک) اداکارہ میرا کے شوہر ہونے کے دعویدار کے خلاف نکاح نامہ منسوخ کرنے کا کیس۔ اداکارہ میرا کے وکیل نے عدالت کو بتایا کہ جھوٹے نکاح نامے کی یونین کونسل سے تصدیق کرائی جائے اور میرا کے شوہر ہونے کے دعویدار عتیق الرحمان کو عدالت میں بلایا جائے۔ عتیق الرحمان کے وکیل نے عدالت کو بتایا کہ ہم نے ہائیکورٹ میں پٹیشن دائر کر رکھی ہے، نکاح نامہ100فیصد درست ہے۔ عدالت نے کیس کی سماعت 16 جنوری تک ملتوی کر دی۔ اداکارہ میرا بھی نکاح نامہ منسوخی کیس کی سماعت کیلئے پہنچیں۔ میرا نے سیاہ کوٹ ، سیاہ پتلون پہن زیب تن کر رکھی تھی۔ صحافی نے میرا سے سوال کیا آپ کا پرس لباس سے میچنگ نہیں ہے ، صحافی کے سوال کا جواب دیتے ہوئے میرا نے کہا آج کل سیاہ کے ساتھ براون کا کنٹراسٹ فیشن کا حصہ ہے ، کلر میچنگ بھول گئی ،براون پرس کو کنٹراسٹ سمجھ لیں۔