اسلام آباد(نیوزڈیسک)وفاقی وزیروزیرِداخلہ چودھری نثارعلی خان نے آسٹریلین کرکٹر ڈین جونز کو بغیر ویزہ پاکستان لانے پر امارات ائیرلائنز کے خلاف کاروائی کا حکم دے دیا،پی آئی اے کو دیگرممالک میں قانون کی پابندی کرائی جاتی ہے،یقینی بنایاجائے کہ غیرملکی ایئرلائنز پر بھی قاانون لاگوکیاجائے،غیرملکی ایئرلائن کو اسی طرح جرمانہ کیا جائے جسطرح ہماری ائیر لائن پر ہوتا ہے،کوئی غیرملکی بغیرویزے کے پاکستا ن میں داخل نہیں ہوسکتا،پاکستان آنیوالے افراد، ایئرلائنز کوملکی وغیرملکی سفری قواعد و ضوابط کی پاسداری کرنا ہوگی۔اتوارکووزارت داخلہ کی جانب سے جاری ایک بیان میں کہاگیاکہ اس امر کو یقینی بنایا جائے کہ جس طرح پی آئی اے کو غیر ممالک میں قانون کی پابندی کرائی جاتی ہے اسی طرح غیر ملکی ائیر لانز پر بھی وہی قانون لاگو کیا جائے اور خلاف ورزی پر اسی طرح جرمانہ کیا جائے جسطرح ہماری ائیر لائن پر ہوتا ہے۔وزیرداخلہ چودھری نثارنے کہاکہ اس امر کی وضاحت بھی ضروری ہے کہ کوئی غیر ملکی ویزہ کے بغیر پاکستان میں داخل نہیں ہو سکتا اور یہ تاثر بالکل غلط ہے کہ وزارتِ داخلہ کسی بھی شخص کو بغیر ویزہ پاکستان میں داخلے کی اجازت دے سکتی ہے یا کسی طرح بھی اس کی مجاز ہے۔انہوں نے کہاکہ اب ہر ایک کو یہ بات ذہن نشین کر لینی چاہیے کہ پاکستان آنے کے خواہشمند اشخاص اور ان کو یہاں لانے والی ائیر لائنز کو پاکستانی قوانین اور بین الاقوامی سفری قواعد و ضوابط کی پاسداری کرنا ہوگی۔چودھری نثارنے کہاکہ وہ وقت گیا کہ جب قوانین اور قواعد و ضوابط کی دھجیاں اڑائی جاتی تھیں اور کوئی پوچھنے والا نہ تھا۔پاکستان کے قوانین، عزت و وقار اور اسکی خودمختاری کا ہر حال میں تحفظ کیا جائے گا۔