ممبئی (نیوز ڈیسک) بالی ووڈ اداکار عرفان خان کا فیس بک اکاﺅٹ ہیک کرلیا گیا۔ میڈیا رپورٹ کے مطابق بالی ووڈ اداکار عرفان خان آج کل جیسلمیرکے علاقے میں شوٹنگ میں مصروف ہیں، اداکار کا سماجی رابطے کی سائٹ فیس بک کا اکاﺅٹ کرلیا گیا تاہم اکاﺅنٹ ہیکروں کی طرف سے کسی بھی کارروائی سے قبل اسے جلد ہی دوبارہ بحال کرا لیا گیا۔ عرفان خان نے ویڈیو لنک کے ذریعے میڈیا کو بتایا کہ مجھے اس واقعے کا علم نہیں ہے، انہوں نے کہا کہ جیسے ہی میری ٹیم کو واقعے کا علم ہوا، انہوں نے کسی قسم کے نقصان سے پہلے میرے اکاﺅنٹ کو فوری ریکور کرا لیا۔ رواں سال اس سے قبل بھی امیتابھ بچن ، شاہد کپور کے اکاﺅنٹس بھی ہیک کر لئے گئے تھے جنہیں جلد بحال کرا لیا گیا تھا۔