تہران (نیوزڈیسک) پاکستان اور ایران کی گیس پائپ لائن پر ایک بار پھر ٹھن گئی ہے۔ایران نے گیس پائپ لائن منصوبے پر ترامیم کئے بغیر مذاکرات سے انکار کر دیا ہے۔ذرائع کے مطابق پاک ایران گیس پائپ لائن منصوبے میں ایک بار پھر سے تعطل پیدا ہوگیا ہے۔ ایران کی جانب سے پاکستان پر واضح کر دیا گیا ہے کہ پہلے معاہدے میں ترامیم کرلیں جس کے بعد مذاکرات ہونگے۔ پاکستان کی جانب سے ترامیم پر بحث کی درخواست بھی کر دی گئی ہے تاہم کسی قسم کی پیشرفت دیکھنے میں نہیں آئی۔ وزارت پٹرولیم کا کہنا ہے کہ مذاکرات کے حوالے سے ایران سے کئی بار درخواست کر چکے ہیں مگر ایران مذاکرات پر آمادہ نہیںہورہا۔