اسلام آباد (نیوزڈیسک )محکمہ موسمیات نے ما لاکنڈ ڈویڑن اور گلگت بلتستان میں بعض مقامات پر ہلکی بارش ،برفباری کی پیشگوئی کی ہے،بالائی سندھ اور پنجاب کے میدانی علاقوں میں رات اور صبح کے وقت دھند چھائے رہنے کا امکان ہے۔محکمہ موسمیات کے مطابق آئندہ چوبیس گھنٹوں کے دوران ملک کے بیشتر بالائی علاقوں میں مطلع جزوی ابر آلود رہنے کا امکان ہے،ملک کے دیگر علاقوں میں موسم خشک رہے گا،بدھ اور جمعرات کے روز خیبر پختونخواہ، فاٹا گلگت بلتستان، کشمیر میں کہیں کہیں بارش کا امکان ہے۔ اسلام آباد، بالائی راولپنڈی، گوجرانوالہ، سرگودھا ڈویڑن، کوئٹہ اور ڑوب ڈویڑن میں چند مقامات پر بارش اور پہاڑوں پر برفباری کی پیشگوئی کی گئی ہے،آج ملک میں کم سے کم درجہ حرارت گوپس منفی تین اور پاراچنار میں منفی دوڈگری سینٹی گریڈ ریکارڈ کیا گیا۔