اسلام آباد (نیوزڈیسک)پاکستان کی قومی اسمبلی کے حلقہ این اے 122 لاہور کے ضمنی انتخاب میں ووٹوں کی منتقلی کے معاملہ پر چیف الیکشن کمشنر سردار رضا کی سربراہی میں الیکشن کمیشن کا 4 رکنی بنچ تشکیل دے دیا گیا، چیئرمین نادرا، ڈسٹرکٹ الیکشن کمشنرلاہورودیگرفریقین کوطلب کرلیا گیا،سماعت (آج) بدھ کوہو گی۔تفصیلات کے مطابق تحریک انصاف کے امیدوار عبدالعلیم خان نے این اے 122 سے 30 ہزار ووٹوں کی منتقلی کا الزام عائد کیا تھا اور الیکشن کمیشن میں درخواست دائر کر رکھی تھی جس پر منگل کو الیکشن کمیشن نے کیس کی سماعت کیلئے چیف الیکشن کمشنر کی سربراہی میں 4 رکنی بنچ تشکیل دے دیا۔ذرائع کے مطابق الیکشن کمیشن نے چیئرمین نادرا، ڈسٹرکٹ الیکشن کمشنرلاہوراوردیگرفریقین کو(آج) بدھ کو طلب کرلیا ہے۔ماہرین کے مطابق پاکستان مسلم لیگ(ن) کااس حلقے میں سب کچھ داﺅ پرلگ گیاہے ۔