اسلام آباد(نیوزڈیسک) معروف ماڈل و اداکارہ ما ئرہ خان نے کہا ہے کہ ٹی وی ڈراموں میں کام کرکے حقیقی شہرت ملی ،جس سے فلم انڈسٹری تک پہنچی۔پہلی فلم “ چینبلی ” میں میرے کام کو پسند کیا جانا اس امر کی نشاندہی ہے کہ فلمی شائقین ٹی وی فنکاروں کو بڑی سکرین پر دیکھنے کے خواہشمند ہیں۔ ٹی وی فنکاروں نے اپنی خداداد صلاحیتوں کی بنا پر پاکستانی ٹی وی ڈراموں کو دنیا بھر میں متعارف کرادیا ہے۔ اب ٹی وی فنکار ہی فلم انڈسٹری کو دوبارہ بام عروج پر پہنچانے کے لئے سرگرم ہیں۔ ترکی کی فلم زہر عشق میں کام ملنا میرے لئے کسی اعزاز سے کم نہیں۔ مائرہ خان کا کہنا تھا کہ متعدد پاکستانی فلموں کی پیشکش ہوئی ہے لیکن ابھی صرف ایک ہی فلم سائن کی ہے جس کا نام ابھی رکھا نہیں گیا۔