اسلام آباد(نیوز ڈیسک)فیس بک کے بانی مارک زکربرگ بیٹی کے باپ بن گئے جس پر مارک زکر برگ اور ان کی اہلیہ پریسیلا چین خوشی سے پھولے نہیں سما رہے ، بیٹی کی ولادت پر مارک زکر برگ نے اپنی اہلیہ کے ہمراہ کمپنی کے 99 فیصد حصص عطیہ کرنے کا اعلان کیا ہے۔ساتھ ہی ایک خیراتی ادارے چان زکربرگ کے قیام کا اعلان بھی کیا، انہوں نے کہا کہ وہ اپنی نوازئیدہ بیٹی میکس سمیت دیگر بچوں کے مستقبل کو بہتر بنانے کیلئے اپنی کمپنی کے 99 فیصد حصص عطیہ کریں گے ، 45 ارب ڈالر مالیت کے یہ شئیرز بچوں کی فلاح و بہبود پر خرچ کیے جائیں گے۔