نئی دہلی(نیو زڈیسک)بھارتی انتہا پسندوں نے طالب علموں کو بھی اپنے رنگ میں رنگ لیا ،اداکارعامر خان سے نفرت کا اظہارکیلئے انہوں نے ویب سائٹ بناڈالی ہے۔بھارتی میڈیا کے مطابق بالی ووڈ کے سپر اسٹار عامر خان سے اظہار نفرت کیلئے طالب علموں نے ویب سائٹ بنالی ہے جس پر مسٹر پرفیکٹشنٹ کی تصویر کو تھپڑ مارا جاسکتا ہے۔عامر خان کی جانب سے بھارت بڑھتے عدم برداشت کے رجحان پر تشویش کا اظہار کیا تھا ،جس پر حکومتی جماعت بی جے پی اور انتہا پسند ہندو جماعت شیو سینا ان کیخلاف کھڑی ہوگئی تھیں۔شیو سینا کے رہنما نے چند روز قبل عامر خان کو تھپڑ مارنے پر ایک لاکھ روپے انعام دینے کا اعلان کیا ہے،اسی تناظر میں طلبہ نے ویب سائٹ بنائی تاکہ عامر خان کیخلاف موجود غصے کا اظہار کیا جاسکے۔