ماسکو (نیوزڈیسک)اب گراﺅ ہمارا جہاز۔۔۔ روس نے ترک سرحد پر تیاریاں مکمل کرلیں،حمیمیم فضائی اڈے پر ایس یو 400 طیارہ شکن میزائل کمپلکس نصب کردیاگیا،روسی بمبار طیارے پر حملے کے بعد ترک فضائیہ نے شام کی فضائی حدود میں پروازیں بند کر دی ہیں۔ ترک میڈیانے سفارتی ذرائع کے حوالے سے بتایا کہ روسی بمبار طیارے پر حملے کے بعد ترک فضائیہ نے شام کی فضائی حدود میں پروازیں بند کر دی ہیںیاد رہے کہ منگل کو ترک جنگی طیارے نے شام کی فضائی حدود میں پرواز کرنے والے روسی بمبار طیارے ایس یو 24 کو نشانہ بنایا تھا جس کے بعد روس نے اپنے جنگی طیاورں کی سلامتی کو یقینی بنانے کے لیے موثر اقدامات کے بارے میں اعلان کیا، بالخصوص حمیمیم فضائی اڈے پر ایس یو 400 طیارہ شکن میزائل کمپلکس نصب کیا گیا ہے۔