راولپنڈی( آن لائن ) راولپنڈی کے علاقے کھنہ پل کے قریب ایک پلازہ میں بنے لکڑی کے گودام میں آگ لگنے سے گودام جل گیا ، کوئی جانی نقصان نہیں ہوا۔بالائی منزل میں واقع فلیٹ میں رہنے والے پانچ افراد زخمی ہو گئے جبکہ رات گئے تجارتی پلازہ میں لگنے والی آگ سے دس دکانیں جل کر راکھ ہو گئیں۔ صبح پانچ بجے کھنہ پل کے علاقے سروس روڈ پر قائم پلازہ کے تہہ خانے میں آگ بھڑک اٹھی۔تہہ خانے میں لکڑی اور پلائی بورڈ کا وافر سٹاک موجود تھا جس کی وجہ سے آگ تیزی سے پھیلی اور دیگر دکانوں کو بھی لپیٹ میں لے لیا۔ فائر بریگیڈز نے تین گھنٹے کی کوششوں کے بعد آگ پر قابو پایا۔آگ سے پلازہ کی بالائی منزل پر رہنے والے پانچ افراد معمولی زخمی ہوئے۔ ادھر نصیر آباد میں رات گئے تجارتی پلازہ میں شارٹ سرکٹ کے باعث آگ لگ گئی۔ ریسکیواہلکاروں نے تین گھنٹے بعد آگ پر قابو پالیا۔مقامی افراد اور تاجروں کےمطابق آگ سے پلازہ میں موجود دس دکانوں میں رکھا قیمتی سامان جل کر راکھ ہو گیا ۔