ممبئی (نیوز ڈیسک)بالی ووڈ سپر اسٹار عامر خان نے کہا ہے کہ انٹرویو میں جو کچھ کہا اس پر قائم ہوں،برا بھلا کہنے والوں نے مجھے سچا ثابت کردیا ۔بھارتی میڈیا کے مطابق عامر خان نے کہا کہ بھارت چھوڑ کر جانے کا کوئی ارادہ نہیں، یہ میرا ملک ہے جس سے میں پیار کرتا ہوں،میرے خیالات کو توڑ مروڑ کر پیش کیا گیا ۔چند روز قبل بالی ووڈ سپراسٹار نے کہاتھا کہ بھارت میں بڑھتی انتہا پسندی کے باعث میری بیوی نے مجھے ملک چھوڑنے کا مشورہ دیا تھا ،کیونکہ وہ گزشتہ8ماہ کے دوران ملک میں بڑھتی انتہا پسندی کے باعث خوفزدہ ہیں،انہیں بچوں کے مستقبل کی فکر ہے۔