لندن(این این آئی)طبی ماہرین کی ایک نئی تحقیق میں گہری نیند اور دماغی صحت کے درمیان مضبوط تعلق کی نشاندہی کی گئی ہے
جس سے اعصابی تندرستی کے لیے نیند کے معیار کی اہمیت واضح ہوئی ہے۔ غیر ملکی خبر رساں ادارے کے مطابق تحقیقاتی رپورٹ میں بتایا گیا کہ ماہرین نے نیند کے مختلف مراحل کا جائزہ لینے کے بعد کہا کہ گہری نیند دماغ کے خلیات کی بحالی، یادداشت کے استحکام اور جذباتی توازن کے لیے بنیادی کردار ادا کرتی ہے۔ ماہرین نے کہا کہ مسلسل نیند کی کمی یا بے قاعدہ نیند سے توجہ مرکوز کرنے اور روزمرہ ذہنی کارکردگی میں کمی آ سکتی ہے جس کے لیے سونے کے اوقات کو منظم رکھنا ضروری ہے۔



















































